عوامی خدمت ، تعلیم اتے صحت دے شعبیں اچ سیاست نی تھیوݨی چاہیدی ، اکٹھے تھی تے غربت، جہالت، بے روزگاری اتے بیماریاں دا خاتمہ کریسوں،وزیراعظم شہباز شریف
APP22-180423
RAWALPINDI: April 18 - Prime Minister Muhammad Shehbaz Sharif talking to the media at institute of Urology and Transplantation Rawalpindi. APP/TZD/FHA
راولپنڈی۔18اپریل(اے پی پی) وزیراعظم محمد شہباز شریف آکھیے سابق حکومت ݙوجھے منصوبیں وانڳوں ہسپتالاں کوں وی نظر انداز کیتی رکھیا ،عوامی خدمت ، تعلیم تے صحت دے شعبیں اچ سیاست نی تھیوݨی چاہیدی ،انسانیت دی خدمت اتے مریضاں کوں علاوج دیاں سہولتاں ݙیوݨ ٻہوں وݙی عبادت اے، اساں ساریں کوں رل تے غربت ، جہالت ، بے روزگاری ، بیماری مکاوݨ تے ملک کوں قائد اتے اقبال دا پاکستان بݨاوݨ کیتے اکٹھے تھیوݨا چاہیدے ۔ اے ڳالھ انہاں راولپنڈی انسٹی ٹیوٹ آف یورالوجی اینڈ ٹرانپلانٹیشن دے افتتاح توں آکھی ، ایں موقع تے وفاقی وزیر اطلاعات ونشریات مریم اورنگزیب، سابق ارکان قومی اسمبلی حنیف عباسی، ملک ابرار،حاجی پرویز خان، رکن قومی اسمبلی طاہرہ اورنگزیب،سابق میئر راولپنڈی سردار نسیم خان،ضیاءاللہ شاہ،راجہ محمد حنیف ،راحت مسعود قدوسی،نگران صوبائی وزیر صحت ڈاکٹر جمال ناصر اتےراولپنڈی میڈیکل یونیورسٹی دے وائس چانسلر ڈاکٹر عمر ، صوبائی سیکرٹری صحت ڈاکٹر احمد جاوید قاضی اتے ٻئے موجود ہن ۔ وزیراعظم آکھیے انہاں یورالوجی انسٹی ٹیوٹ دا معائنہ کیتے اتے ایں ڳالھ دی خوشی اے جو ایں توں پہلے مرحلے اچ اڄ توں باقاعدہ طور تے مریضاں دے بہترین علاج دا آغاز تھیندا پئے، اتھاں ݙتیاں ونڄݨ آلیاں سہولتاں توں مطمئن ہاں،رمضان المبارک دے مقدس مہینے اچ مریضاں کوں علاج مہیا کرݨ ھک ٻہوں وݙی عبادت اے، ایں ہسپتال دی بنیاد 2009ء اچ رکھی ڳئی ہئی،2013ء دے بعد اساں ایں کیتے فنڈ ݙتے ، ہݨ تئیں تقریباً5 ارب روپے خرچ تھی چکن ، ایں ہسپتال کوں ݙکھی انسانیت دے علاج کیتے آپݨا کردار ادا کرݨا چاہیدا ہئی لیکن سابق حکومت باقی منصوبیں وانڳوں ایں ہسپتال کوں وی نظر انداز کیتی رکھیا لیکن کورونا دے دوران ایں ہسپتال بے پناہ خدمات انجام ݙتیاں کیوں جو اتھاں عمارت اتے وینٹی لیٹرز موجود ہن تے کورونا دے علاج دا اہم مرکز رہیا،۔
