خیبر پختونخوا کوں ترقی اتے امن دا گہوارہ ٻݨا تے رہسوں، گزریل حکومت خیبر پختونخوا دی ترقی کوں نظر انداز کیتے، بجٹ 2023-24 اچ ضم تھیے علاقیاں دی ترقی کیتے خصوصی اقدامات شامل کیتن، وزیراعظم محمد شہبازشریف

اسلام آباد۔13جون (اے پی پی) وزیراعظم محمد شہبازشریف آکھیا جو خیبر پختونخوا کوں ترقی اتے امن دا گہوارہ ٻݨا تے رہسوں، گزریل حکومت خیبر پختونخوا دی ترقی کوں نظر انداز کیتے، بجٹ 2023-24 اچ ضم تھیے علاقیاں دی ترقی کیتے خصوصی اقدامات شامل کیتن۔ منگل کوں وزیراعظم آفس دے میڈیا ونگ توں جاری بیان موجب اے ڳالھیں انہاں خیبر پختونخوا توں تعلق رکھݨ آلی مسلم لیگی قیادت نال ڳالھ مہاڑ کریندیں ہوئیں آکھی جنہاں منگل کوں انہاں نال ملاقات کیتی۔ ملاقات اچ وزیر پارلیمانی امور مرتضی جاوید عباسی، مشیرِ وزیرِ اعظم انجنیئر امیر مقام، سینیٹر پیر ثاقب شاہ، ارکانِ قومی اسمبلی کیپٹن محمد صفدر، سجاد احمد، سابق ارکانِ قومی اسمبلی شہاب الدین خان، جمشید محمد، اورنگزیب نلوٹھہ شریک تھیے۔ ملاقات اچ اڄوکی ملکی سیاسی صورتحال تے ڳالھ کیتی ڳی۔ ملاقات اچ شرکاء وزیراعظم کوں بجٹ 2023-24 اچ خیبرپختونخوا اتے قبائلی ضلعیاں دی ترقی کیتے اقدامات کرݨ تے خراج تحسین پیش کیتا۔

مضمون کا ماخذ : منی ٹرین 2

متعلقہ مضامین